شکار پور کے علاقے کندھ کوٹ میں تھانہ کوٹ شاہو کے قریب پولیس گشت کے دوران نامعلوم مسلح افراد کی پولیس پر فائرنگ سے پولیس کا ایک جوان شہید جبکہ دوسرا زخمی ہوگیا۔
تفصیلات کے مطابق تھانہ کوٹ شاہو کے علاقے میں پولیس کے جوان گشت پر تھے کہ اس دوران نامعلوم افراد آئے اور انہوں نے پولیس پر فائرنگ شروع کر دی جس کے نتیجے میں پولیس کا اہلکار الطاف حسین بروہی شہید ہوگئے۔
ملزمان کی فائرنگ سے شہید اہلکار کی لاش اور زخمی ہونے والے اہلکار کو سول اسپتال منتقل کیا گیا۔ پولیس کو اطلاع ملنے پر پولیس کی بھاری نفری جائے وقوعہ پر پہنچ گئی مزید تفتیش کا عمل جاری ہے۔