تاندلیانوالہ میں دھند کے باعث کار گنے کی ٹرالی سے ٹکرا گئی جس کے نتیجے میں 6 افراد جاں بحق اور 3 زخمی ہوگئے۔
پولیس کے مطابق لاہور کا رہائشی خاندان موٹروے سے اتر کر تادندلیانوالہ کی طرف جا رہا تھا کہ چک نمبر 393 گ ب کے قریب کار گنے کی ٹرالی سے ٹکرا گئی جس کے نتیجے میں بچوں اور خواتین سمیت 6 افراد جاں بحق اور تین زخمی ہوگئے۔
جاں بحق ہونے والے بچوں کی عمریں 3 سے 6 سال کے درمیان ہیں جبکہ زخمیوں کو تشویش ناک حالت کے پیش نظر فیصل آباد ریفر کر دیا گیا زخمیوں میں ایک مرد اور دو خواتین شامل ہیں ۔
پولیس کے مطابق حادثہ شدید دھند کے باعث پیش آیا، ٹریکٹر ٹرلی کو تحویل میں لے لیا گیا لیکن ڈرائیور موقع سے فرار ہوگیا جبکہ ایس پی صدر ڈویژن امدادی کارروائی کی نگرانی کر رہے ہیں۔