600 کروڑ کی جائیداد، راجیش کھنہ کی آخری وصیت نے سب کو چونکا دیا

راجیش کھنہ کو 2011 میں کینسر کی تشخیص ہوئی اور ان کی اہلیہ نے خراب تعلقات کے باوجود ان کا خیال رکھا


ویب ڈیسک January 01, 2025
فوٹو: فائل

BOMBAY:

بھارتی فلم انڈسٹری کے پہلے سپر اسٹار راجیش کھنہ کی ذاتی زندگی ہمیشہ سے ان کے مداحوں اور میڈیا کی توجہ کا مرکز بنی رہی۔

ان کی شادی ڈمپل کپاڈیہ سے ہوئی، لیکن یہ رشتہ خوش گوار ثابت نہ ہوسکا، اپنی زندگی کے آخری ایام میں راجیش کھنہ نے اپنی وصیت میں اہم تبدیلی کی اور اپنی 600 کروڑ کی جائیداد اپنی بیٹیوں کے نام کر دی جبکہ ان کی اہلیہ ڈمپل کپاڈیہ کو کچھ نہیں دیا گیا۔

راجیش کھنہ نے شہرت اور دولت کی بلندیوں کو چھوا لیکن ان کی ذاتی زندگی اتنی کامیاب نہیں رہی، شادی سے پہلے وہ اداکارہ انجُو مہندرو کے ساتھ سات سال کے لِو ان ریلیشن شپ میں تھے لیکن شادی نہیں ہوئی۔

انہوں نے 1973 میں ڈمپل کپاڈیہ سے شادی کی، جو عمرمیں ان سے 16 سال چھوٹی تھیں، ان کے دو بچے، ٹوئنکل کھنہ اور رنکے کھنہ پیدا ہوئے لیکن ان کا ازدواجی رشتہ مشکلات کا شکار رہا۔

راجیش کھنہ کو2011 میں کینسر کی تشخیص ہوئی اور ان کی حالت تیزی سے خراب ہونے لگی، اپنی موت سے پہلے انہوں نے اپنی وصیت تیار کی، جس میں انہوں نے اپنی 600 کروڑ روپے کی جائیداد اپنی بیٹیوں کے نام کر دی لیکن اپنی اہلیہ ڈمپل کپاڈیہ کے لیے کچھ نہیں چھوڑا گیا۔

راجیش کھنہ کے آخری دنوں میں ڈمپل کپاڈیہ نے ان کی دیکھ بھال کی، حالانکہ ان کا رشتہ طویل عرصے سے خراب تھا، ان کی بیٹی رنکے کھنہ آخری لمحات میں والد کے ساتھ موجود رہیں جبکہ ٹوئنکل کھنہ اپنی حمل کی وجہ سے اکثر موجود نہ رہ سکیں۔

راجیش کھنہ کی یہ کہانی ثابت کرتی ہے کہ شہرت اور دولت کے باوجود ذاتی زندگی کے مسائل ہر کسی کو متاثر کر سکتے ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں