لاہور میں سابقہ بیوی اور بچوں کو جلانے کی کوشش کرنے والے کو گرفتار کرلیا گیا۔
ترجمان سیف سیٹیز کے مطابق غازی آباد سے خاتون نے 15 ایمرجنسی ہیلپ لائن پر کال کرکے بتایا کہ سابقہ شوہر مسلسل ہراساں کررہا ہے۔ ملزم نے مجھے اور بچوں کو پیٹرول چھڑک کر آگ لگانے کی بھی کوشش کی۔ خاتون نے بروقت پڑوسیوں کے گھر پناہ لے کر اپنی اور بچوں کی جان بچائی۔
ورچوئل ویمن پولیس اسٹیشن نے فوری طور پر پولیس کو موقع پر روانہ کیا۔ پولیس نے موقع پر پہنچ کر خاتون اور بچوں کو تحفظ فراہم کیا۔ ملزم کے خلاف مقدمہ درج کرکے گرفتار کرلیا گیا۔ مزید قانونی کارروائی جاری ہے۔ ظلم و زیادتی کا شکارخواتین 15 پر کال کر کے 2 دبا کر ورچوئل ویمن پولیس اسٹیشن سے رابطہ کرسکتی ہیں۔