اسلام آباد کی ڈسٹرکٹ اینڈ سیشن کورٹ میں 26 نومبر کو احتجاج پر تشدد کیس میں وزیراعظم کے خلاف کارروائی کی درخواست دائر کردی گئی۔
پاکستان تحریک انصاف(پی ٹی آئی) کی جانب سے دائر درخواست کی سماعت سیشن جج اعظم خان نے کی۔ چیئرمین پی ٹی آئی بیرسٹر گوہر بطور کمپلینٹ عدالت میں پیش ہوئے۔ وکیل نے کہا کہ کمپلینٹ پی ٹی آئی نےدائر کی ہے لسٹ میں نام بیرسٹر گوہر کا آ رہا ہے۔ وکیل خرم کھوسہ نے استدعا کی کہ عدالت درستگی کروا دے۔
شہباز کھوسہ نے کہا ہ 2 زخمی فوت ہوگئے ہیں ان کا نام بھی لسٹ میں شامل کروانا چاہ رہے ہیں۔ پوسٹ مارٹم رپورٹ اور دیگر تمام دستاویزات بھی جمع کروا دیتے ہیں۔ 25 جنوری کے بعد کی کوئی بھی تاریخ رکھ دیں۔ عدالت نے سماعت 29 جنوری تک ملتوی کردی۔