آئی سی سی چیمپئینز ٹرافی کیلئے ویزا پالیسی پر بورڈ کے اعلیٰ حکام کی مشاورت جاری ہے۔
ایکسپریس نیوز کے مطابق پاکستان میں شیڈول چیمپئینز ٹرافی کیلئے ٹکٹوں کی فروخت اگلے ہفتے شروع ہونے کا امکان ہے جبکہ مفت پاسز پر پابندی لگ گئی ہے۔
ذرائع کے مطابق ٹکٹ خریدنے والا ہی چیمپئینز ٹرافی کے میچز دیکھ سکے گا اور انٹرنیشنل کرکٹ کونسل کی گائیڈ لائن کے تحت تمام ٹکٹس آن لائن فروخت ہوں گے جبکہ کوئی ٹکٹ بوتھ نہیں بنائے جائیں گے۔
مزید پڑھیں: چیمپئینز ٹرافی میچز کیلئے ٹکٹوں کی قیمت سامنے آگئی
پاکستانی شائقین لوکل کرنسی میں ٹکٹ خرید سکیں گے، غیرملکی ڈالرر، پاونڈز اور یورو میں ادائیگی کریں گے۔
ذرائع کا کہنا ہے کہ سستا ترین ٹکٹ ایک ہزار کا ہوگا، مہنگا ترین ٹکٹ 25 سے 30 ہزار روپے میں رکھا جارہا ہے، پاکستان اور بھارت کے میچ کی ٹکٹ زیادہ مہنگے ہوں گے، ان کی ٹکٹس قیمیت ایک دو روز میں فائنل ہوجائے گی۔
مزید پڑھیں: آئی سی سی چیمپئنز ٹرافی: کپتانوں کی مشترکہ پریس کانفرنس کب ہوگی؟
پہلے مرحلے میں گروپ میچز کے ٹکٹس خریدے جاسکیں گے، سیمی فائنل اور فائنل کے تکٹس بعد میں فروخت ہوں گے۔
مزید پڑھیں: چیمپئینز ٹرافی؛ پاک بھارت ٹاکرا، کس کا پلڑا بھاری ہوگا؟
دبئی جانے کے خواہش مند پاکستانیوں کیلئے ویزا پالیسی میں زیادہ نرمی نہیں ہورہی، جو پہلے دبئی جاچکے ہیں، ان کو ہی ویزے ملنے کا امکان ہے جبکہ ویزا لینے کیلئے ٹکٹس اور ٹریول ہسٹری دیکھی جائے گی۔