بھارتی کرکٹ ٹیم کے کپتان روہت شرما نے حال ہی میں منعقد ہونے والی ایک تقریب میں لیجنڈری کرکٹر روی شاستری کے ساتھ ایسا رویہ اختیار کیا کہ ہر کوئی اُن کی تعریف کرنے پر مجبور ہوگیا۔
وانکھیڈے اسٹیڈیم کے پچاس سال منعقد ہونے پر انتظامیہ کی جانب سے شاندار تقریب کا انعقاد کیا گیا، جس میں موجودہ اور سابق نامور بھارتی کھلاڑی شریک ہوئے۔
اس تقریب میں سچن ٹنڈولکر سمیت دیگر کھلاڑیوں کو کرکٹ میں خدمات انجام دینے پر انعامات اور ٹرافیاں بھی دی گئیں۔
تقریب کے آغاز پر بھارتی کرکٹ ٹیم کے کپتان روہت شرما اسٹیج پر پہنچے تو انہوں نے روی شاستری کو کونے والی کرسی پر براجمان دیکھا۔
روہت شرما لیجنڈری کرکٹر کے قریب گئے اور اُن سے جگہ تبدیل کرنے کی درخواست کی، پھر اپنی والی کرسی پر بیٹھا کر خود برابر میں بیٹھ گئے۔
بھارتی کرکٹ ٹیم کے کپتان کے اس رویے اور صلہ رحمی پر صارفین و شائقین کرکٹ نے اُن کی بہت تعریف کی اور روہت شرما کو اصل زندگی میں ہیرو قرار دیتے ہوئے کہا کہ ایسے لوگ اپنے محسنوں کو کبھی نہیں بھولتے۔