بالی وڈ اداکار شاہد کپور نے حال ہی میں اپنے ایک تبصرے کے حوالے سے وضاحت دی ہے جس میں انہوں نے کچھ اداکاروں کو "خود پر زیادہ فخر کرنے والا" کہا تھا۔
اس بیان کے بعد سوشل میڈیا پر قیاس آرائیاں ہوئیں کہ شاہد کا اشارہ سلمان خان یا کارتک آریان کی جانب تھا، تاہم شاہد نے ان افواہوں کی سختی سے تردید کر دی ہے۔
28 جنوری کو شاہد کپور اپنی فلم دیوا کی شریک اداکارہ پوجا ہیگڑے کے ساتھ ایونٹ میں شریک ہوئے۔ ایک تفریحی ریپڈ فائر راؤنڈ میں شاہد سے پوچھا گیا کہ کیا ان کا تبصرہ سلمان خان کی طرف تھا؟
شاہد نے جواب دیا: "ہاں، لیکن مجھے دو تین لوگوں نے میسج کیا یہ سوچ کر۔ میں تو بس ایسے ہی بات کر رہا تھا، سوچا بھی نہیں تھا۔ لیکن اگر مجھے تنقید کرنی ہو، تو وہ کسی ایسے شخص پر کبھی نہیں ہوگی جو اتنے سینئر ہوں، اتنے مستحکم ہوں، اور جن کے لیے میرے دل میں اتنی عزت ہو۔ یہ صرف کلیئر کرنے کے لیے!"
شاہد کپور کی نئی فلم دیوا 31 جنوری 2025 کو ریلیز ہونے جا رہی ہے۔ یہ ایک زبردست ایکشن تھرلر ہے جسے مشہور ملیالم فلم ساز روشن اینڈریوز نے ڈائریکٹ کیا ہے، اور اسے زی اسٹوڈیوز اور رائے کپور فلمز نے پروڈیوس کیا ہے۔
فلم کی شوٹنگ کے دوران ایک انتہائی اہم سین محدود عملے کے ساتھ خفیہ طور پر فلمایا گیا تھا۔ رپورٹس کے مطابق، یہ سین کہانی میں کلیدی کردار ادا کرے گا، اور اس کی شدت کو برقرار رکھنے کے لیے ہر ممکن احتیاط برتی گئی تھی۔