سعودی عرب پہنچنے والے 4 پاکستانی عازمین حج چل بسے

اسلام آباد سے آخری حج پرواز27ستمبر کو جائیگی، حج آپریشن نومبر کے وسط تک مکمل ہوگا۔ فوٹو: فائل

---

سعودی عرب پہنچنے والے 4 پاکستانی عازمین حج وفات پا گئے۔

وزارت کے جوائنٹ سیکریٹری شہزاد احمد نے ایکسپریس سے خصوصی گفتگو میں بتایا کہ وزارت مذہبی امورکی بروقت کوششوں کے باعث اب تک55ہزار پاکستانی عازمین حج سعودی عرب پہنچ چکے ہیں، سرکاری اسکیم کے تحت عازمین حج کے ویزوں کاعمل مکمل کرلیاگیا ہے جب کہ اب تک سرکاری اسکیم کے تحت عازمین حج کوان کے مقررہ کردہ فلائٹ شیڈول کے مطابق سعودی عرب پہنچا دیا گیا، انھوں نے بتایا کہ اسلام آباد سے آخری حج پروازرواں ماہ کی27 تاریخ کوحجاج مقدس جائے گی۔ حج آپریشن نومبر کے وسط تک مکمل کرلیا جائے گا۔

وزارت مذہبی امور کے ذرائع نے بتایا کہ اب تک 4 پاکستانی سعودی عرب میں وفات پاچکے ہیں جن کی وفات کے بارے میں ان کے لواحقین کو آگاہ کردیا گیا ہے۔