امریکا کے ابھرتے پاکستانی گلوکار رومی خان کراچی آئیں گے

رومی خان کراچی میں تین مختلف میوزیکل کنسرٹس میں اپنے فن کا مظاہرہ کریں گے۔۔ فوٹو: فائل

---

لاہور: امریکا میں ابھرتے ہوئے پاکستانی گلوکار رومی خان اپنی آواز کا جادو جگانے پاکستان روانہ ہو گئے ہیں۔

وہ کراچی میں تین مختلف میوزیکل کنسرٹس میں اپنے فن کا مظاہرہ کریں گے۔ رومی خان نے حال ہی میں بھارتی گلوکار میکا سنگھ کے دورہ امریکا کے دوران ان کے ہمراہ اپنے فن کا مظاہرہ کر کے اپنی صلاحیتوں اور آواز کا لوہا منوایا چکے ہیں۔ امریکی شہر ہیوسٹن کے رہائشی رومی خان نے اپنے دو معروف گیتوں ''لب دی فراری'' اور ''رب دی'' کی وڈیو ریکارڈنگ حال ہی میں مکمل کی ہے، جس میں امریکی سنیما پروڈکشن کی ایک معروف کمپنی نے ان کی وڈیو ریکارڈنگ مکمل کرائی ہے ،پاکستانی اور مغربی امتزاج کے ساتھ ان گانوں کو امریکا بھر میںمختلف کنسرٹس کے دوران بھرپور پذیرائی ملی۔