کچھ لوگ فلموں کی بحالی اور کامیابی سے خوش نہیںزیبابختیار

ہمارے ملک کے نوجوان بہت باصلاحیت ہے اور وہ نامساعد حالات میں بھی اچھا کام کررہےہیں۔ فوٹو: فائل

---

RAWALPINDI: اداکارہ و فلمساز زیبا بختیار نے کہا کہ جب سے پاکستان میں پاکستانی فلموں کا آغاز ہوا اور فلموں کی بحالی کا عمل تیزی سے آگے بڑھ رہا ہے۔

چند مفاد پرست لوگ پاکستانی فلموں کی بحالی اور ترقی سے خوش نہیں ہیں وہ مسلسل پاکستانی فلموں کے خلاف سازشیں کررہے ہیں ان کو ناکام بنانے کے لیے مختلف حربے استعمال کررہے ہیں،لیکن وہ اپنے مقصد میں کبھی کامیاب نہیں ہوسکتے کیونکہ اب پاکستانی فلموں کو پاکستانی عوام کی مکمل سپورٹ حاصل ہے بھارتی فلموں کو اب وہ رسپانس نہیں مل رہا جو پہلے مل رہا تھا، یہ بات انھوں نے اپنے ایک انٹرویو میں کہی۔

انھوں نے کہا میری فلم کے خلاف بھی چند سنیماؤں نے سازش کی اسے زبردست سنیما سے اتار دیا ہمیں ایسے لوگوں کے خلاف متحد ہوجانا چاہیے،انھوں نے ہمارے ملک کے نوجوان بہت باصلاحیت ہے اور وہ نامساعد حالات میں بھی اچھا کام کررہےہیں ان کی کوششیں کامیاب ہیں اور پاکستان کی فلم انڈسٹری کا مستقبل روشن ہے آنے والے دنوں میں بہت اچھی فلمیں لوگوں کو دیکھنے کو ملیں گی پاکستانی عوام کو چاہیے کہ وہ اپنے ملک میں بنائی جانے والی فلموں کی حوصلہ افزائی کریں ۔