ٹھٹھہ بکتر بند گاڑی الٹ گئی2پولیس اہلکار جاں بحق3زخمی

ادویات کی عدم موجودگی پرپولیس اہلکاروں نے اسپتال میں ہنگامہ آرائی کی اور ایمرجنسی وارڈ کی کرسیاں اور شیشے توڑ ڈالے۔ فوٹو: فائل

---

دوران گشت پولیس کی بکتر بند گاڑی الٹ گئی،2 پولیس اہلکار جاں بحق جبکہ 3 شدید زخمی ہوگئے۔

اسپتال میں ادویہ نہ ملنے پر پولیس اہلکاروں کی ہنگامہ آرائی، توڑ پھوڑ۔ تفصیلات کے مطابق ٹھٹھہ فقیر گوٹھ کے قریب گشت پر مامور ٹھٹھہ پولیس کی بکتر بند گاڑی الٹ گئی جس کے نتیجے میں2 پولیس اہلکار محمد یاسین جاکھرو اور عرزئی خان کھوسو موقع پر ہی جاں بحق ہوگئے جبکہ 3 پولیس اہلکار قربان، حکیم اور عباس آرائیں شدید زخمی ہوگئے۔

زخمیوں کو پولیس موبائلوں کے ذریعے مکلی سول اسپتال پہنچایا گیا تو وہاں ادویہ، مرہم پٹی اور دیگر سامان موجود نہیں تھا جس پر دیگر پولیس اہلکاروں نے اسپتال میں ہنگامہ آرائی کی اور ایمرجنسی وارڈ کی کرسیاں اور شیشے توڑ ڈالے۔ بعد ازاں پولیس اہلکار اپنے زخمی پیٹی بند بھائیوں کو ایمبولینسوں کے ذریعے کراچی لے گئے۔