عاطف اسلم فلم ’’بدلہ پور ‘‘ میں اپنے گانے کیساتھ جلوہ گر ہونگے

فلم 20 فروری کو ریلیز ہورہی ہے جس کے گانے ’’جینا جینا‘‘ کا وڈیو لانچ کردیا گیا ہے۔ فوٹو : فائل

---

NEW YORK: گلوکار عاطف اسلم بولی وڈ فلم ''بدلہ پور'' میں نئے گانے ''جینا جینا'' کے ہمراہ جلوہ گر ہوں گے۔

گلوکار عاطف اسلم نے فلم ''کلیوگ'' میں گانے''عادت'' سے مقبولیت حاصل کی تھی جس کے بعد انھوں نے متعدد بالی ووڈ فلموں میں آواز کا جادو جگانے کے ساتھ مہمان گلوکار کی حیثیت سے فلم ''بس اک پل '' ،'' ریس '' ، ''ریس ٹو'' ، '' پرنس'' ، '' تیرے نال لو ہوگیا'' ، '' جنتا بھائی کی لو اسٹوری'' میں اپنے گانے کے ساتھ پردہ اسکرین پر جلوہ گر ہوئے ۔

اب دوسال بعد فلم ''بدلہ پور'' میں اپنے گانے کے ساتھ انٹری دے رہے ہیں جس میں وردن دھون ، نواز الدین صدیقی ، یامی گوتم ، دیویا دتہ ، ہما قریشی سمیت دیگر شامل ہیں۔ یہ فلم 20 فروری کو ریلیز ہورہی ہے جس کے گانے ''جینا جینا'' کا وڈیو لانچ کردیا گیا ہے۔ یاد رہے عاطف اسلم بطور اداکار ایک پاکستانی فلم میں بھی کام کرچکے ہیں۔