میرا کا شاہدہ منی سے گلوکاری سیکھنے کی خواہش کا اظہار

شاہدہ منی کی گائیکی کے ساتھ ان کی اداکاری کی بھی بے حد مداح ہوں اوربطوراداکارہ ان کی ایکٹنگ سےبہت کچھ سیکھا ہے،میرا۔ فوٹو: فائل

---

ISLAMABAD: اداکارہ میرا نے شاہدہ منی سے گلوکاری سیکھنے کی خواہش کا اظہار کردیا۔

لاہور پریس کلب میں ہونے والے گرینڈ میوزیکل اینڈ باربی کیو نائٹ پروگرام میں گلوکارہ شاہدہ منی فلم ''سلطنت'' کے لیے گایا ہوا آئٹم سانگ ''سونے دی توتیڑی'' سنا رہی تھیں کہ اداکارہ میرا نے اسٹیج پر آکر پرفارم کرنا شروع کردیا، گانے کے اختتام پر اداکارہ میرا نے کہا کہ شاہدہ منی کی گائیکی کے ساتھ ان کی اداکاری کی بھی بے حد مداح ہوں اور بطور اداکارہ ان کی ایکٹنگ سے بہت کچھ سیکھا ہے اور اب میری خواہش ہے کہ گلوکاری بھی ان سے سیکھوں۔ جس پر شاہدہ منی نے کہا کہ میرا اگر گلوکاری بھی کرے گی تو یقینا کامیاب ہوگی۔