متعدد بھارتی پروڈیوسر فلموں میں پاکستانی فنکاروں کو کاسٹ کرنا چاہتے ہیں جاوید شیخ

جاوید شیخ تین روز بھارت میں ڈائریکٹر امتیاز علی کی فلم ’’تماشا‘‘ کی فلم بندی مکمل کراکے پاکستان واپس آئے ہیں، فوٹو: فائل

---

جاوید شیخ نے کہا ہے کہ متعدد بھارتی پروڈیوسر پاکستانی فنکاروں کو اپنی فلموں میں کاسٹ کرنے کے خواہش مند ہیں۔

سینئر اداکار جاوید شیخ کا کہنا ہے کہ بھارتی ٹی وی چینلز سے پاکستانی ڈراموں کی نمائش کے بعد متعدد فلم پروڈیوسرز پاکستانی فنکاروں کو بھارتی فلموں میں کاسٹ کرنے کے خواہشمند ہیں۔ جاوید شیخ تین روز بھارت میں ڈائریکٹر امتیاز علی کی فلم ''تماشا'' کی فلم بندی مکمل کراکے پاکستان واپس آئے ہیں، وہ اس فلم میں رنبیر کپور کے والد کا کردار ادا کررہے ہیں۔