جاوید اختر کی غلام محی الدین کو بھارتی فلم میں کام کی آفر

جاوید اختر کا شکر گزار ہوں، باوقار طریقے سے کام کرنا چاہتا ہوں، غلام محی الدین ۔ فوٹو : فائل

---

KARACHI: بھارت کے مشہور رائٹر جاوید اختر نے ٹیلی فون پر نمائندہ ایکسپریس سے گفتگو کرتے ہوئے کہا کہ انھوں نے پاکستان کے سینئر اداکار غلام محی الدین کو بھارتی فلموں میں کام کرنے کی پیشکش کی ہے۔

انھوں نے غلام محی الدین کو بھارت آنے کی دعوت دیتے ہوئے کہا کہ وہ پاکستان کے لیجنڈ اداکار ہیں جن کے ساتھ کام کرکے بھارتی فنکاروں کو سیکھنے کا موقع ملے گا،پاکستانی فنکار بھارتی فنکاروں کی تربیت میں اہم کردار ادا کررہے ہیں ڈرامہ اور تھیٹر میں پاکستانی فنکاروں کو کوئی مقابلہ نہیں دونوں ممالک کے فنکار مل کر بہت اچھا کام کرسکتے ہیں اورہم پاکستانی سنیئر فنکاروں کے تجربہ سے فائدہ اٹھا سکتے ہیں۔

اس موقع پر اداکار غلام محی الدین نے جاوید اختر کی جانب سے پیشکش کی تصدیق کرتے ہوئے کہا کہ انھوں نے مجھے بھارت آنے کی دعوت دی ہے، میں ان کا شکر گزار ہوں پاکستانی فنکار بلاشبہ بھارت میں کام کررہے ہیں لیکن ہمین اپنے تشخص کو ضرور سامنے رکھنا چاہیے کیونکہ ہماری عزت اور احترام اسی ملک کی وجہ سے ہے' میں باعزت طریقہ سے کام کرنا چاہتا ہوں۔