بدین زرعی فارم پر ڈاکوئوں کا دھاوا 25مویشی لے اڑے

20 مسلح افراد کا مزدوروں پر وحشیانہ تشدد، رسیوں سے باندھ دیا، 12بھینسیں، 7گائے اور 6بیل گاڑیوں میں ڈال کر لے گئے. فوٹو: فائل

---

زرعی فارم پر ڈاکوئوں کا دھاوا ،ملازمین پر وحشانہ تشدد،25مویشی لے اڑے۔

تفصیلات کے مطابق بدین کی یونین کونسل لوہاری کے قریب 20 سے زائد مسلح افراد نے حاجی رشید آفریدی کے زرعی فارم پر دھاوا بولدیا، ڈاکوئوں نے مزدوروں کو شدید تشدد کا نشانہ بنایا اور انہیں رسیوں سے باندھ کر 25قیمتی مویشی جن میں12بھینسیں، 7 گائے اور 6 بیل شامل ہیں دو گاڑیوں میں ڈال کر فرار ہوگئے۔

صبح ہونے پر مزدوروں کو راہگیروں نے رسیوں سے آزاد کرایا، فارم کے مالک حاجی رشید آفریدی اور امجد خان آفریدی نے صحافیوں کو بتایا کہ ڈاکو 30لاکھ روپے کے جانور لے گئے ہیں ۔