میرا کا فلم ’’ہوٹل ٹو‘‘میں امیتابھ بچن کو کاسٹ کرنے کا اعلان

فلم میں بالی وڈ سپراسٹار امیتابھ بچن کو کاسٹ کیا ہے جو کہ ہمارے ملک کے لیے اعزاز کی بات ہے، میرا۔ فوٹو : فائل

---

MIRPUR (AJK): اداکارہ میرا کی پروڈکشن میں بننے والی فلم ہوٹل ٹو میں معروف بالی وڈ اداکارہ امیتابھ بچن مرکزی کردار میں جلوہ گر ہوں گے۔

فلم کی دیگر کاسٹ میں سید احسن علی سلیم اداکارہ میرا اور دیگر پاکستانی اور بھارتی فنکار شامل ہوں گے میڈیا سے گفتگو کرتے ہوئے اداکارہ میرا نے کہا کہ فلم ہوٹل ٹو کے آدھے حقوق میری پروڈکشن میرا پرودکشن ہاؤس نے لے لیے ہیں۔

انھوں نے کہا کہ فلم ہوٹل ٹو کے ڈائریکٹر بالی ووڈ گریجویٹ خالد حسن خان ہوں گے انھوں نے کہا کہ فلم میں بالی وڈ سپراسٹار امیتابھ بچن کو کاسٹ کیا ہے جو کہ ہمارے ملک کے لیے اعزاز کی بات ہے انھوں نے کہا کہ فلم کی شوٹنگ ممبئی میں کی جائے گی رواں ہفتے میں بھارت جا رہی ہوں جہاں کچھ اور معاملات اور میٹنگ شیڈول ہیں ۔