شہزادہ چارلس کے آئر لینڈ میں قتل کا منصوبہ پکڑا گیا6ملزمان گرفتار

گرفتار افراد کی عمریں اکیس سے باسٹھ سال کے درمیان ہیں۔ فوٹو : فائل

---

آئرلینڈ کی پولیس نے شہزادہ چارلس اوران کی اہلیہ کمیلاکے قتل کی منصوبہ بندی کرنے والے6افراد کو اسلحے سمیت گرفتار کرلیا۔

غیرملکی میڈیاکے مطابق شہزادہ چارلس اوران کی اہلیہ کمیلاپارکر کوماؤنٹ بیٹن میں ایک تقریب میں شرکت کے لیے آئندہ ہفتے آئرلینڈ کادورہ کرنا تھا، شاہی شخصیات کے دورے کے پیش نظر آئرلینڈ کے مختلف علاقوں میں سیکورٹی خدشات کے حوالے سے سرچ آپریشن کیا جہاں سے پولیس نے ماؤنٹ بیٹن کے قریب کارروائی کرتے ہوئے چھ افراد کو اسلحہ سمیت گرفتار کرلیا۔ گرفتار افراد کی عمریں اکیس سے باسٹھ سال کے درمیان ہیں۔

ادھرطویل قانونی جنگ کے بعدبرطانوی شہزادہ چارلس کے نجی خطوط شائع کردیے گئے ہیں جوانہوں نے لیبرپارٹی کے وزیروں کوبھیجے تھے، شہزادے کے دفتر کاکہنا ہے کہ ان خطوط کی اشاعت سے ان کی اپنے خدشات ظاہرکرنے کی صلاحیت متاثر ہوگی۔