عامر خان نے ’’دل دھڑکنے دو‘‘ میں کتے پلوٹوکواپنی آوازدی

فلم کی کہانی انتہائی پسند آئی ‘میں کسی نہ کسی طرح اس فلم کا حصہ بننا چاہتا تھا،عامر خان ۔ فوٹو : فائل

---

بالی ووڈ کی حال ہی میں ریلیز فلم دل دھڑکنے دو میں عامر خان نے بھی ایک کردارنبھایا ہے جس کا بیشتر دیکھنے والوں کو علم بھی نہیں ہوسکا۔

عامر خان نے فلم میں مہرا فیملی کے پالتو ڈاگی پلوٹو کے ڈائیلاگ ادا کیے تھے۔ اس فلم میں پلوٹو کے ڈائیلاگز نے سلورسکرین پر خوب داد وصول کی تھی جب کہ میڈیا کو فلم کی ریلیز کے بعد اس بات کا اندازہ ہوا کہ عامر خان نے ان ڈائیلاگز کی ادائیگی کی ہے۔

اداکار عامر خان کا کہنا تھا کہ انھیں فلم کی کہانی نہایت پسند آئی اور وہ کسی نہ کسی طرح اس فلم کا حصہ بننا چاہتے تھے، جب زویا اختر اس خیال کے ساتھ عامر کے پاس آئیں تو انھوں نے بنا کچھ سوچے فوری حامی بھر لی۔