رمضان المبارک کراچی میں اسٹیج ڈرامے اور پروگرام نہیں ہوں گے

سنیماگھروں میں شوکم کردیے گئے جب کہ شدیدگرمی کے باعث ڈراموں کی شوٹنگ ملتوی۔ فوٹو: فائل

---

کراچی میں رمضان المبارک کی آمد کے ساتھ ہی شہر میں ہونے والی تمام ثقافتی سرگرمیاں ملتوی کردی گئی ۔

اسٹیج ڈرامے اور میوزیکل پروگرام نہیں ہوں گے،کراچی کے سنیماؤں میں ہونے والے شوز کی تعداد بھی کم کردی گئی،سنیماؤں میں صرف دو شو ہوں گے، کراچی میں گزشتہ چار روز سے جاری شدید گرمی اور حبس نے فنکاروں کوگھروں تک محدود کردیا، دن کے اوقات میں فنکاروں نے ٹی وی ڈرامے کی شوٹنگ میں حصہ نہ لینے کا فیصلہ کیا ۔

فنکاروں نے رمضان میں دن کے اوقات میں بھی کسی شوٹ میں شرکت نہ کرنے کا فیصلہ کیا ہے، عید کی آمد سے قبل کراچی میں تھیٹر اور سنیماؤں کی تزئین وآرائش کا کام بھی شروع کردیا گیا، دوسری طرف کراچی میں عید کے موقع پر ہونے والے اسٹیج ڈراموں اور میوزیکل پروگراموں کے سلسلے میں پروڈیوسرز نے فنکاروں سے رابطوں کا آغاز کردیا ہے۔