ابھیشک کی پروڈیوسربنٹی والیا سے لڑائی رنبیر کپور نے صلح کروا دی

دونوں میں تنازع خیراتی فٹ بال میچ کے دوران ہوا ،بھارتی میڈیا ۔ فوٹو : فائل

---

بالی ووڈ اداکار ابھیشک بچن کی فلم پروڈیوسر بنٹی والیا سے لڑائی ہوگئی۔

دونوں کے بیچ توتکار اس قدر بڑھی کہ اداکار رنبیر کپور کو بیچ میں کودنا پڑااور دونوں کے بیچ صلح کروادی ۔بھارتی میڈیا کے مطابق یہ واقعہ اس وقت پیش آیا جب اداکاروں،پروڈیوسرز سمیت فلمی دنیا سے تعلق رکھنے والے افراد کے بیچ فلاحی مقاصد کے تحت ایک فٹبال میچ منعقد کروایا گیا۔ اس میچ میں رنبیر کپور اور ابھیشک بچن کے علاوہ ارمان جین، روہن شریشیتھا بھی موجود تھے۔

میچ کے دوران ابھیشک کی بنٹی والیا سے کسی معاملے پر بحث ہوئی جو کہ جلد ہی دھواں دھار تکرار میں بدل گئی۔ قریب تھا کہ ابھیشک بنٹی پر مکوں اور لاتوں کے ساتھ پل پڑتے مگر رنبیر کپور کی بروقت مداخلت نے معاملہ زیادہ بگڑنے سے بچا لیا۔