لائم لائٹ

بولی وڈ کی کوئین کنگنا راناوت کی آنے والی نئی رومانٹک کامیڈی فلم’’ کٹی بٹی‘‘ کے نئے گانے سر پھرا کی مکمل ویڈیو ریلیز کر دی گئی ہے فوٹو: فائل

---

بولی وڈ دبنگ اداکار سلمان خان کا کہنا ہے کہ وہ اپنی اگلی فلم 'پریم رتن دھان پایو' میں اپنے پرستاروں کو اور بھی زیادہ جذباتی کردیں گے۔ ان کی حال ہی میں ریلیز فلم 'بجرنگی بھائی جان' ہندوستان سمیت پاکستان میں بھی کافی پسند کی گئی تھی اور لوگوں کا کہنا تھا کہ یہ سلمان خان کی اب تک کی بہترین فلموں میں سے ایک ہے۔

سلمان نے اپنے ایک انٹرویو میں ان کا کہنا تھا کہ ان کی اگلی فلم 'پریم رتن دھان پایو' خاندانی مسائل پر بنائی گئی ہے جس میں بھائی اور بہنوں کا اہم کردار دکھایا گیا ہے۔اس فلم میں بھی پرستاروں کو مزید رلاؤں گا'۔اس کی کہانی ایک ایسے بادشاہ پر مبنی ہے جو اپنی ذمہ داریوں سے تنگ آگیا اور اپنی جگہ کسی عام شخص کو دے دی جو اس کا ہم شکل ہے۔اس سے ظاہر ہوتا ہے کہ سلمان خان اس فلم میں ڈبل رول ادا کریں گے۔ فلم میں سلمان خان کو ایک بادشاہ کے روپ میں دکھایا جائے گا، اور اس دوران وہ فرنچ زبان میں بات بھی کریں گے ۔ سلمان خان کے ہمراہ بولی وڈ اداکارہ سونم کپور اہم کردار ادا کریں گی۔ یہ سال رواں ماہ نومبر میں ریلیز کی جائے گی۔

٭بولی وڈ ڈریم گرل ہیما مالنی کا کہنا ہے کہ ان کی مقبول فلم ' شعلے ' کو 40 سال گزرنے کے بعد بھی لوگ آج تک انہیں 'بسنتی' کے نام سے بلاتے ہیں۔ہندوستان کی مقبول فلم 'شعلے' میں ہیما مالنی نے بسنتی نامی ایک تانگے والی کا کردار ادا کیا تھا جس میں ان کے ہمراہ امیاتبھ بچن اور ان کے شوہر دھرمیندر نے اہم کردار ادا کیا تھا۔ہیما مالنی نے فلم 'شعلے' کے چالیس سال مکمل ہونے پر اس کے حوالے سے ٹوئٹر پر ٹویٹ کی۔ رمیش سپی کی ہدایت میں بننے والی فلم شعلے 1975 کو اگست میں ریلیز کی گئی تھی۔

٭بولی وڈ اداکارہ اور سابقہ مس یونیورس سشمیتا سین کا کہنا ہے کہ وہ شادی کے لیے تیار ہیں مگر اچھے شوہر کی تلاش آسان نہیں۔

سشمیتا سین کا کہنا ہے کہ وہ شادی کرنا چاہتی ہیں اور ان کی دونوں بیٹیاں رینی اور علیسا بھی اس فیصلے سے کافی خوش ہیں لیکن ان کے لیے سب سے بڑا مسئلہ ایسے شوہر کو ڈھونڈنا ہے جس سے ان کا مزاج مل سکے۔سشمتا سین بہت جلد ایک کامیڈی شو کو بھی جج کرنے والی ہیں۔سشمتا سین کا مزید کہنا تھا کہ انہوں نے اپنی دونوں بیٹیوں کو ہمیشہ شوبز سے دور رکھا ہے جس کے باعث وہ کامیڈی شو کے سیٹ پر اپنی بیٹیوں کو کم لاتی ہیں۔ان کے مطابق اگر ان کی بیٹیوں کی شوبز میں کام کرنے کی خواہش ہوئی تو ان کی شرط پہلے تعلیم مکمل کرنا ہوگی۔

٭بولی وڈ کی کوئین کنگنا راناوت کی آنے والی نئی رومانٹک کامیڈی فلم'' کٹی بٹی'' کے نئے گانے سر پھرا کی مکمل ویڈیو ریلیز کر دی گئی ہے۔کوئین اور تنو ویڈز منو ری ٹرن کی کامیابی کے بعد کنگنا ایک اور ہٹ فلم دینے کیلئے تیار ہیں۔رو مانس اور کامیڈی سے بھر پور اس فلم میں کنگنا راناوٹ کے مد مقابل عامر خان کے بھانجے عمران خان مر کزی کر دار ادا کر رہے ہیں۔اس فلم کی کہانی ایک ایسی لڑکی (کنگنا راناوٹ) کے گر د گھوم رہی ہے جو محبت پر یقین نہیں رکھتی۔ نکھل ایڈوانی کی ہدایات میں بننے والی یہ فلم 18ستمبر کو عام نمائش کیلئے پیش کر دی جائے گی۔

٭ ہالی وڈ کے معروف اداکار بریڈلے کوپر کی ڈرامے سے بھرپور نئی کامیڈی فلم 'برنٹ' کا پہلا ٹریلر ریلیز کر دیا گیا ہے۔ ہدایتکار جان ویلس کی اس فلم کی کہانی ایڈم جونز نامی ایک ایسے شیف کے گِرد گھوم رہی ہے، جو اپنے نامناسب رویے اور ڈرگس کے استعمال کرنے پر اپنا کیرئیر تباہ کر لیتا ہے، تاہم اپنی پیشہ ورانہ صلاحیتوں کا ثبوت پیش کرنے کے لیے ٹیم کے ہمراہ ایک بار پھر لندن کے ٹاپ ریسٹورنٹ میں مزیدار کھانوں کی تیاری شروع کر دیتا ہے۔ اسٹیسی شیر، ایروِن اسٹاف اور جان ویلس کی مشترکہ پروڈکشن میں بننے والی اس فلم میں شیف کا کردار مشہور و معروف ہالی وڈ اداکار بریڈلے کوپر نے نبھایا ہے، جن کے علاوہ فلم کی دیگر کاسٹ میں ایما تھامپسن، سیانا مِلر، اومر سے، ڈینیئل بروہل، میتھیو رائیس، الیسیا ویکانڈر اور اوما تھرمن شامل ہیں۔یہ فلم رواں سال 23اکتوبر کو سنیما گھروں میں نمائش کے لیے پیش کردی جائے گی۔