عمان میں برطانوی نژاد پاکستانی کوہ پیما بشریٰ فاروقی ساتھیوں کو بچاتے ہوئے جاں بحق

اگلے روز بشریٰ کی لاش ایک درخت کے اوپر گری ہوئی پائی گئی۔:فوٹو : فائل

---

برطانوی نژاد پاکستانی کوہ پیما بشریٰ فاروقی عمان کے پہاڑی سلسلوں میں ٹریکنگ کے دوران ساتھیوں کو بچانے کی کوشش میں جاں بحق ہو گئیں۔

دبئی میں مقیم برطانوی نژاد پاکستانی بینکر اور کوہ پیما بشریٰ فاروقی اپنے 11 ساتھیوں کے ہمراہ یو اے ای کی سرحد کے قریب عمان کے پہاڑی سلسلے میں ٹریکنگ مہم پر تھیں کہ انکی ٹیم راستہ سے بھٹک گئی۔

انکے پاس پینے کے پانی کی قلت ہو گئی جس پر بشریٰ انسانی مدد اور پانی کی تلاش میں نکلیں تو گروپ سے بچھڑ گئیں۔ عمانی پولیس نے گروپ کے باقی افراد کو تو بچا لیا تاہم بشریٰ کو تلاش نہ کر سکے۔ تاہم اگلے روز بشریٰ کی لاش ایک درخت کے اوپر گری ہوئی پائی گئی۔