پشاور میں گاڑی سے 5 کلو وزنی بم برآمد 3 دہشت گرد گرفتار

پولیس نے گاڑی سے ملنے والے بم کو ناکارہ بنا دیا ہے فوٹو فائل

---

ATTOCK/ MIRPUR/ GILGIT: اسپیشل پولیس یونٹ نے نیو رنگ روڈ پر کار سے 5 کلووزنی بم برآمد کرکے 3 دہشت گرد گرفتار کرلئے۔

ایکسپریس نیوز کے مطابق پشاور میں تھانہ متھرا کی حدود میں اسپیشل پولیس یونٹ نے مصدقہ اطلاعات پر نیو رنگ روڈ پر کارروائی کی اور 3 دہشت گردوں کو گرفتار کرتے ہوئے ان کی گاڑی سے 5 کلو گرام وزنی بم برآمد کرلیا۔ پولیس نے تینوں دہشت گردوں کو حراست میں لے کر نامعلوم مقام پر منتقل کردیا ہے جہاں ان سے تفتیش جاری ہے جب کہ بم کو ناکارہ بنا دیا گیا ہے۔

پولیس کا کہنا ہے کہ حراست میں لئے گئے دہشت گرد قانون نافذ کرنےو الے ادارے کے اہلکاروں اور پولیو ٹیموں کی ٹارگٹ کلنگ کے علاوہ بم دھماکوں اور بھتہ خوری میں بھی ملوث ہیں۔