قوم کو ایک بار پھر 65 والے جذبے کی ضرورت ہے سہیل خان

قوموں کی تاریخ میں معرکوں کی اہمیت ان سے حاصل سبق سے فائدہ اٹھانا ہوتا ہے، سہیل خان فوٹو: فائل

---

فلمساز سہیل خان نے کہا کہ آج بھی ہمیں جنگ ستمبر کے جذبے کی ضرورت ہے، اقوام کی تاریخ میں آزمائشوں اور معرکوں کی اہمیت فتح اور شکست سے بڑھ کر مستقبل میں ان سے حاصل ہونے والے سبق سے فائدہ اٹھاناہوتا ہے۔

انھوں نے گذشتہ روز نمائندہ ایکسپریس سے گفتگو کرتے ہوئے کیا۔سہیل خان نے کہا کہ 6ستمبر1965 ہماری تاریخ کا ایک اہم باب ہے، اس روز پاکستانی قوم اور پاک فوج نے جس شاندار عزم کا مظاہرہ کیا وہ مثالی ہے۔ جنگ ستمبر میں پاک فوج نے بہادری، شجاعت اور جوانمردی کی وہ بے مثال داستانیں رقم کیں جن کی مثال پیش کرنا مشکل ہے، بالخصوص پاک فضائیہ نے اپنی فضائی لڑائیوں میں بری فوج کی مدد کے لیے زمینی کارروائیوں میں شاندار کارکردگی کا مظاہرہ کیا۔آج پوری قوم کو ایک بار پھر جنگ ستمبر والے ملی جذبے کی ضرورت ہے۔