زمین کے تنازعے پر 2 برادریوں میں تصادم 2 جاں بحق

ایک شدید زخمی، فریقین کی ایک دوسرے پر مورچہ بند فائرنگ، علاقے میں خوف. فوٹو: فائل

---

کھپرو کے قریب زرعی زمین کے تنازع پر2 برادریوں کے مابین مسلح تصادم ہو گیا۔

گولیاں لگنے سے بچی سمیت 2 افراد جاں بحق، ایک شدید زخمی، علاقے میں خوف و ہراس۔ تفصیلات کے مطابق سندھڑی تھانے کی حد ود سامارو شاخ کے مقام پر زرعی زمین کے تنازع پر مری اور راجپوت برادریوں کے مابین مسلح تصادم ہوگیا ، فریقین نے مورچہ بند ہوکر ایک دوسرے پر فائرنگ کی۔

جس کے نتیجے میں 12 سالہ کلثوم راجپوت،50 سالہ مشتاق راجپوت اور لیاقت راجپوت شدید زخمی ہوگئے جنہیں فوری طور پر سول اسپتال میرپورخاص لے جایا گیا جہاں طبی امداد ملنے کے دوران کلثوم اور مشتاق نے دم توڑ دیا جبکہ زخمی لیاقت راجپوت کی حالت انتہائی نازک بتائی جاتی ہے۔ دوسری جانب شدید فائرنگ کے باعث علاقے میں خوف و ہراس پھیل گیا۔