سنگیتا اور جاوید شیخ نے اپنی نئی فلموں کی تیاری کرلی

فنکاروں کا انتخاب اورشوٹنگ کے شیڈول کاا علان اسی ماہ کردیا جائے گا ۔ فوٹو : فائل

---

عید پر ریلیز ہونے والی فلموں کی کامیابی کے بعد کراچی میں نئی فلموں کے آغاز کی تیاریوں میں تیزی آگئی۔

کراچی میں بننے والی فلموں کی کامیابی نے شہرکو ایک بار پھر فلموں کا مرکز بنانے کے لیے متعدد لوگوں نے منصوبہ بندی کرلی گئی، سینئر ہدایتکارہ سنگیتااسی ماہ کراچی میں اپنی نئی فلم کا آغاز کرنے والی ہیں جس کی تیاریاں مکمل کرلی ہیں جب کہ اس فلم میں سینئر فنکاروں کے ساتھ نئے فنکاروں کو بھی شامل کیا جائے گا،جس کا اعلان وہ اکتوبر میں کریں گی۔

اداکار جاوید شیخ جو ایک عرصہ سے اپنی نئی فلموں کو شروع کرنے کی منصوبہ بندی کررہے ہیں اپنی مصروفیات کی وجہ سے فلمیں شروع نہیں کرسکے جب کہ ان کی دوفلموں کی کہانیاں لکھی جاچکی ہوں ان کا کہنا ہے کہ جلد وہ اپنی نئی فلمیں شروع کریں گی اب اس میں تاخیر نہیں ہوگی۔

جاوید شیخ اپنی نئی فلم کراچی ،لاہور اور بیرون ملک میں شوٹ کرنا چاہتے ہیں جس میں وہ بھی نئے فنکاروں کو موقع دینا چاہتے ہیں، متعدد فلموں کا آغاز محرم سے قبل کرنے کے لیے بیشتر فلم سازوں نے فنکاروں سے رابطہ شروع کردیے ہیں،فلموں میں سرمایہ کاری کے حوالے یہ سال فلم انڈسٹری کے لیے سب سے زیادہ بہتر ثابت ہوسکتا ہے ۔