کاش سیف شاہد کیساتھ کرینہ کوبھی کاسٹ کرسکتاوشال بھردواج

میں نےکرینہ سےاس فلم میں ان کو کاسٹ کرنے کی بات ہی نہیں کی کیونکہ میں نے یہ اسٹوری کنگنا کے لیے لکھی تھی،وشال بھردواج ۔ فوٹو : فائل

---

بالی ووڈ ہدایتکار وشال بھردواج نے کہا ہے کہ کاش کرینہ کپور کو بھی سیف علی اور شاہد کپور کے ساتھ فلم رنگون میں لا سکتا ۔

میڈیا سے گفتگو کرتے ہوئے وشال بھردواج نے کہا کہ خواہش ہے کہ جس طرح شاہد اور سیف کو ایک فلم میں اکٹھا کیا بالکل اسی طرح کرینہ کو بھی اس فلم میں لا سکوں تاہم انھوں نے کہا کہ میں نے کرینہ سے اس فلم میں ان کو کاسٹ کرنے کی بات ہی نہیں کی کیونکہ میں نے یہ اسٹوری کنگنا کے لیے لکھی تھی انھوں نے کہا کہ شاہد اور سیف دونوں ہی میرے ساتھ کام کے خواہاں تھے۔ اس لیے مجھے ان میں سے کسی کو قائل کرنے کی ضرورت ہی نہیں پڑی بلکہ میرے اسکرپٹ نے انھیں قائل کیا ہے فلم رنگون کی عکسبندی نومبر میں شروع ہو گی اور مارچ تک جاری رہے گی۔