رومانوی نہیں ایکشن ہیرو ہوںشاہ رخ خان

’’دل والے ‘‘میں شاہ ر خ خان اور کاجل کے ساتھ ورون دھون اور کریتی سنون نے بھی اہم کردارنبھائے ہیں۔ فوٹو : فائل

---

سپر اسٹار شاہ رخ خان کا کہنا ہے کہ وہ رومانوی نہیں بلکہ ایکشن ہیرو ہیں یہ بات انھوں نے اپنی نئی فلم دل والے کی تشہری تقریب کے دوران گفتگو کرتے ہوئے کہی شاہ رخ خان کا کہناتھا کہ وہ بنیادی طور پر ایک ایکشن ہیرو ہیں جب کہ ایکشن فلمیں بنانے والے ہدایتکار روہت شیٹی رومانٹک انسان ہیں۔

شاہ رخ نے اپنے بارے میں مذید کہا کہ وہ ظاہر طور پر بڑے شائستہ اور نرم طبع دکھائی دیتے ہیں تاہم اندر سے بڑے سخت دل ہیں۔ فلم کے متعلق گفتگو کرتے ہوئے شاہ رخ کا کہنا تھا کہ گانے ''گیروا'' کی شوٹنگ کے دوران مجھے اورکاجل کو کئی مرتبہ ایسا لگا کہ ہم اب مرنے کے قریب ہیں۔ واضح رہے کہ ''دل والے ''میں شاہ ر خ خان اور کاجل کے ساتھ ورون دھون اور کریتی سنون نے بھی اہم کردارنبھائے ہیں۔