شاہ رخ نے چنائے کے سیلاب متاثرین کے لیے ایک کروڑروپے عطیہ دے دیا

سپر اسٹار رجنی کانت نے بھی سیلاب متاثرین کے لیے 10 لاکھ روپے کا عطیہ دیا ہے:فوٹو : فائل

---

بالی ووڈ سپر اسٹار شاہ رخ خان نے چنائے کے سیلاب کے متاثرین کے لیے ایک کروڑ روپے کا عطیہ دے دیا ۔

بھارتی میڈیا کے مطابق شاہ رخ خان نے ایک کروڑروپے کا عطیہ ریاست تامل ناڈو کے وزیراعلی کے ریلیف فنڈ میں دیا ہے جن سے سیلاب متاثرین کی بحالی میں مدد ملے گی۔

دوسری طرف سپر اسٹار رجنی کانت نے بھی سیلاب متاثرین کے لیے 10 لاکھ روپے کا عطیہ دیا ہے جب کہ اداکار سدھارتھ کئی دنوں سے سیلاب سے متاثرہ علاقوں میں رضاکار کے طور کام میں مصروف ہیں۔