متنازعہ بیان ’’دل والے‘‘ کے بزنس پر اثر انداز ہوا شاہ رخ

جن کی دل آزاری ہوئی ہے ان سے تہہ دل سے معافی مانگتا ہوں، شاہ رخ خان۔ ۔فوٹو : فائل

---

بالی ووڈ سپر اسٹار شاہ رخ خا ن نے کہا ہے کہ فلم ''دل والے'' کا بزنس انکے مذہنی انتہا پسندی کیخلاف دیے گئے متنازعہ بیان کی بنا پر اثر انداز ہوا ہے۔

واضح رہے سپر اسٹار کے 50ویں سالگرہ کے موقع پر ملک میں بڑھتی ہوئی مذہبی انتہا پسندی کے خلاف بیان پر انھیں ملک کی مذہبی ، فلمی اور سیاسی شخصیات کی طرف سے شدید تنقید کا نشانہ بنایاگیا۔شاہ رخ کا کہنا ہے کہ فلم کا بزنس انکے بیان کو غلط رنگ دینے کی بنا پر اثر انداز ہوا ہے۔ان کا کہنا تھا کہ اکثر اوقات انکے بیانات کو غلط رنگ دے دیا جاتا ہے جبکہ انکا مقصد ہر گز کسی کے جذبات کو ٹھیس پہنچانا نہیں ہوتا۔ انھوں نے کہا کہ میرے بیان کی وجہ سے جن کی دل آزاری ہوئی ہے وہ ان سے تہہ دل سے معافی کے خواستگارہیں۔