اچھا فلمی پروجیکٹ ملا تو ضرور کروں گی مدیحہ شاہ

نئے لوگوں کو کریڈٹ دینا چاہیے کہ جنہوں نے انڈسٹری کی ڈوبتی ہوئی ناؤ کو بچایا، مدیحہ شاہ فوٹو: فائل

---

اداکارہ مدیحہ شاہ نے کہا ہے کہ نئے فلم میکر ہر مزاج کی فلم بنا رہے ہیں، ماضی میں اگر کوئی فلم ہٹ ہوجاتی تو سبھی اسی طرح کی فلمیں بنانے لگ جاتے تھے۔

ایکسپریس سے گفتگو کرتے ہوئے ان کا کہنا تھا کہ اپنی فلموں کی کامیابی پر بے خوشی ہے۔ فلم انڈسٹری پر آنے والابحران وقتی تھا مگر اس کا دورانیہ طویل ہوگیا۔ حکومتی سطح پر بھی کسی حد تک کوششیں کی گئیں مگر ہمارے آپس کے اختلافات کے باعث ممکن نہ ہوسکا۔نئے لوگوں کو کریڈٹ دینا چاہیے کہ جنہوں نے ڈوبتی ہوئی ناؤ کو بچانے کے لیے میدان میں آئے۔ ایک سوال کے جواب میں انھوں نے کہا کہ اچھے فلمی پروجیکٹ کی آفر ہوئی تو ضرور کام کروں گی اور مناسب وقت پر فلم بھی بناؤں گی۔