پی ایس ایل فائنل ٹکٹیں بلیک کرنے والوں کی چاندی ہوگئی

ایک بوتھ میں 30 درہم کی ٹکٹ 100 میں دینے کے ساتھ فائنل ٹیموں کی ایک شرٹس مفت میں بھی دی جاتی رہیں۔ فوٹو: سوشل میڈیا

---

پاکستان کی پہلی سپر لیگ کے فائنل کے موقع پر ٹکٹوں کی بلیک میں فروخت عروج پر رہی، شائقین سنسنی خیز مقابلہ دیکھنے کے لیے30 درہم کا ٹکٹ 100 درہم میں خریدتے رہے۔

یاد رہے کہ پی ایس ایل انتظامیہ نے لیگ کے فائنل سمیت تما م میچزکے لیے آن لائن ٹکٹوں کی سہولت بھی فراہم کی تھی جس کا فائدہ بعض شاطر تماشائیوں نے خوب اٹھایا اور فائنل کی ٹکٹیں پہلے خرید کر منہ مانگے داموں فروخت کیں، دبئی انٹرنیشنل اسٹیڈیم کے قریب ایک بوتھ میں 30 درہم کی ٹکٹ 100 میں دینے کے ساتھ فائنل ٹیموں کی ایک شرٹس مفت میں بھی دی جاتی رہی۔ اس موقع پرپاکستانی پرچم اور ٹی شرٹس کا کاروبار بھی عروج پر رہا۔