پاک ایران گیس منصوبے پر کام جاری 2018 تک بحران ختم ہوجائےگا وزیر پٹرولیم

جب تک پٹرولیم مصنوعات کی قیمتیں نیچے جاتی رہیں گی حکومت ریلیف دیتی رہے گی، وزیر پٹرولیم۔ فوٹو: فائل

---

وفاقی وزیر پٹرولیم شاہد خاقان عباسی نے کہاہے کہ پٹرولیم مصنوعات کی قیمتوں میں ریلیف دیتے رہیں گے، 2018 تک گیس لوڈشیڈنگ کا خاتمہ کر دیاجائیگا۔

ایک انٹرویو میں وفاقی وزیر شاہد خاقان عباسی نے کہاکہ حکومت عوام کی فلاح اور بہتری کیلیے کام کررہی ہے کچھ لوگ بلا جواز تنقید کرتے ہیں۔ انہوں نے کہاکہ جب تک پٹرولیم مصنوعات کی قیمتیں نیچے جاتی رہیں گی، حکومت ریلیف دیتی رہے گی، پاکستان نے جتنی قیمتیں کم کی ہیں، کسی اورملک نے نہیں کیں۔ انہوں نے کہاکہ پچھلی حکومتوں نے گیس بحران پرقابو پانے کے لیے کچھ نہیں کیا، پاک ایران گیس پائپ لائن پر کام جاری ہے،2018 تک گیس لوڈشیڈنگ کا خاتمہ کر دیاجائیگا۔