خام تیل کی عالمی قیمتوں میں پیر کو نمایاں کمی ہوئی جس کی وجہ ایران کی جانب سے تیل کی پیداوار منجمدکرنے کے فیصلے کو مسترد کرنا بتائی جاتی ہے۔

دوپہر تک امریکی بنچ مارک ویسٹ ٹیکساس انٹرمیڈیٹ (ڈبلیوٹی آئی) کے آئندہ ماہ ترسیل کے لیے نرخ 88 سینٹ گھٹ کر 37.92 ڈالر فی بیرل پر آگئے جبکہ لندن میں یورپی برانڈ برینٹ نارتھ سی خام تیل کی مئی میں فراہمی کے لیے قیمت 1.04 ڈالر کی کمی سے 39.35ڈالر فی بیرل ریکارڈ کی گئی۔