اچھی فلم بنائیں گے توسینما گھروں کی رونق بڑھے گی سعود

 بھارتی فلموں سے کوئی خطرہ نہیں اب ہم ان سے بہت بہتر فلمیں بنا رہے ہیں، اداکار: فوٹو: فائل

---

معروف اداکار سعود نے کہا ہے کہ ہم اچھی فلمیں بنائیں گے تو سنیماؤں کی رونق بھی بڑھے گی، کوشش ہونی چاہیے کہ ہم عالمی مارکیٹ تک رسائی حاصل کرنے میں کامیاب ہوسکیں،جلد اپنی فلم شروع کروں گا۔

ان خیالات کا اظہار انھوں نے ''ایکسپریس'' سے گفتگوکے دوران کیا کہ پاکستان میں فلم انڈسٹری کی بحالی بہت بڑی کامیابی ہے لیکن اس میں بہتری کے لیے ابھی ہمیں بہت کچھ کرنا ہے بھارت میں بنائی جانے والی فلمیں اب ہمارے لیئے کوئی خطرہ نہیں کیونکہ اب ہم ان سے بہت بہتر فلمیں بنا رہے ہیں بھارتی فلموں کا کریز کسی حد تک کم ہوچکا ہے اور آنے والے دنوں فلم بین صرف پاکستانی فلموں کو ہی اہمیت دیں گے۔