اداکارہ میگھا فیملی کے ہمراہ عمرہ کی سعادت حاصل کرنے چلی گئیں

خانہ کعبہ میں ملک وقوم کی امن ، سلامتی کے ساتھ دوست واحباب کے لیے بھی خصوصی طور پر دعائیں کروں گی، اداکارہ: فوٹو : ایکسپریس

---

RAWALPINDI:

اداکارہ میگھا فیملی کے ہمراہ عمرہ کی سعادت حاصل کرنے کے لیے گذشتہ روز سعودی عرب روانہ ہوگئیں۔

روانگی سے قبل اداکارہ میگھا نے گفتگو کرتے ہوئے بتایا کہ رمضان المبارک جیسے بابرکت مہینے میں یہ سعادت اپنی خوش نصیبی سمجھتی ہوں، ماہ رمضان شروع ہونے سے پہلے پوری فیملی کے ساتھ پروگرام بنایا ہوا تھا، اسی لیے یوکے سے واپس آتے ہی مجھے عیدالفطر کے اسٹیج ڈرامہ کے لیے کہا گیا تو میں نے انکار کردیا ۔ خانہ کعبہ میں ملک وقوم کی امن ، سلامتی کے ساتھ دوست واحباب کے لیے بھی خصوصی طور پر دعائیں کروں گی ۔ عیدالفطر کے بعد واپس ہوگی۔