میں سلمان اورعامرایک دوسرے کا بہت احترام کرتے ہیں شاہ رخ خان

عامرکی فلم "دنگل" کا پوسٹر بہت شاندار ہے جو مجھے بہت پسند آیا، اداکار:فوٹو:فائل

---

GILGIT: بالی ووڈ کنگ شاہ رخ خان کا کہنا ہے کہ سلمان اورعامر خان کو جب سے جانتا ہوں دونوں شروع سے ہی بہت مہربان ہیں جب کہ ہم تینوں ایک دوسرے کا بہت احترام کرتے ہیں۔

بھارتی میڈیا رپورٹس کے مطابق بالی ووڈ کے کنگ شاہ رخ خان کا کہنا ہے کہ میں، سلمان خان اور عامر خان ایک دوسرے کوبہت پسند کرتے ہیں، مجھے لگتا ہے کہ وہ دونوں مجھ سے بڑے فنکار ہیں اوریہ بات ہم تینوں میں سے کسی بھی پوچھی جائے تو جواب تینوں سے ہی یہی ملے گا، ان کا کہنا تھا کہ ہم تینوں ایک دوسرے کو اتنا پسند کرتے ہیں جو احترام سے بھی بڑھ کرہے۔



بالی ووڈ خان نے ماضی کی یادوں کوتازہ کرتے ہوئے بتایا کہ دونوں اداکارسلمان اورعامر شروع سے ہی بہت مہربان ثابت ہوئے ہیں جب سے میں انہیں جانتا ہوں۔ عامرخان کے حوالے سے شاہ رخ خان کا کہنا تھا کہ وہ بہت احترام کرنے والے شخص اورباوقارانسان بھی ہیں۔ عامرکی نئی آنے والی فلم "دنگل" کے پوسٹرکے بارے میں ان کا کہنا تھا کہ وہ بہت شاندارہے جو انہیں بہت پسند آیا۔

یہ بھی پڑھیں: سلمان اور شاہ رخ مجھ سے بڑے اسٹار ہیں، عامر خان

کنگ خان کا کہنا تھا کہ ہم تینوں اتنا کام کرکے اب اس مقام پرپہنچ چکے ہیں کہ ایک دوسرے کا بہت احترام کرتے ہیں جب کہ اداکار کا سلمان خان کی نئی بلاک بسٹر فلم "سلطان" کے حوالے سے کنگ خان کا کہنا تھا کہ انہوں نے فلم تاحال نہیں دیکھی ہے البتہ یہ سنا ضرورہے کہ فلم بہت اچھی ہے، وقت ملتے ہی دبنگ خان کی فلم ضروردیکھوں گا کیونکہ فلم میں سلمان خان نے میری تعریف کی ہے لہذا فلم دیکھنے کے بعد دبنگ سپراسٹارکی تعریف کا شکریہ بھی ادا کروں گا۔



شا ہ رخ خان نے کہا کہ وہ اورسلمان خان کام کے بعد رات کو ہی مل پاتے ہیں جب کہ آخری ملاقات میں سلمان خان نے سائیکلنگ کی پیشکش کی جسے میں نے منع نہیں کیا کیونکہ سائیکلنگ صحت کے لیے بھی مفید ہے۔

یہ خبر بھی پڑھیں: سلمان کے ہوتے ہوئے سگے بھائی کی ضرورت نہیں، شاہ رخ خان



واضح رہے کہ گزشتہ ہفتے بالی ووڈ کے مسٹرپرفیکشنسٹ عامرخان نے فلم نگری کے کنگ شاہ رخ خان اوردبنگ سپراسٹارسلمان خان کو خود سے بڑا اسٹارقراردے دیا تھا جب کہ اس سے قبل شاہ رخان نے سلمان خان کو بھی خود سے سینئراداکارقراردیا تھا۔

یہ خبر بھی ضرور پڑھیں: سلمان مجھ سے زیادہ سینئر اداکار ہے، شاہ رخ خان