پاکستان کی فلم انڈسٹری کے مایہ ناز اداکار مصطفیٰ قریشی نے کہا ہے کہ دادا بن کر انوکھی مسرت ملی ہے خوشی کا وہ احساس ہے جو لفظوں میں بیان نہیں کیا جاسکتا ۔

وہ اپنی رہائش گاہ پر مبارک باد دینے کے لیے آنے والے فلم ٹی وی جرنلسٹس ایسوسی ایشن کے وفد سے بات چیت کر رہے تھے، وفد میں چیئر مین اطہر جاوید صوفی، صدر عبدالوسیع قریشی، جوائنٹ سیکریٹری ذیشان صدیقی اور سرپرست سید امتیاز الحق بخاری شامل تھے، وفد میں شامل افراد نے مصطفیٰ قریشی کے صاحبزادے عامر قریشی کو بیٹی کی مبارک باد دی۔