شرمین چنائے کی فلم ’’سانگ آف لاہور‘‘ نے آڈینس چوائس ایوارڈ جیت لیا

فلم کی کہانی سچل اسٹوڈیو کے گرد گھومتی ہے جو عزت مجید نے 2014 میں لاہور میں قائم کیا تھا۔:فوٹو؛ فائل

---

آسکر ایوارڈ یافتہ ڈائریکٹر شرمین عبید چنائے کی ایک اور ڈاکیومنٹری فلم سانگ آف لاہور کو لندن انڈین فلم فیسٹیول میں آڈینس چوائس ایوارڈ دیا گیا۔

فلم کی تخلیق میں شرمین عبید چنائے کیساتھ اینڈی شاکن نے حصہ لیا ہے، فلم کی کہانی سچل اسٹوڈیو کے گرد گھومتی ہے جو عزت مجید نے 2014 میں لاہور میں قائم کیا تھا۔

فلم کی ویب سائٹ پر دیے جانیوالے اسکرپٹ کے مطابق یہ اسٹوڈیو پاکستان کی موسیقی کی روایات اور روایتی آلات موسیقی کو حیات نو بخشنے کے لیے بنایا گیا تھا۔