صدر زرداری اور آصفہ کی برمنگھم کے اسپتال میں ملالہ سے ملاقات

صدر آصف زرداری اوران کی چھوٹی بیٹی آصفہ برطانوی شہر برمنگھم میںکوئین الزبتھ اسپتال میں ملالہ یوسف زئی کی عیادت کررہے ہیں۔ فوٹو: اے پی پی

---

صدر مملکت آصف علی زرداری اور ان کی صاحبزادی آصفہ بھٹو زرداری نے برمنگھم کے اسپتال میں سوات کی بہادر بیٹی ملالہ یوسفزئی سے ملاقات کی اور ان کی خیریت دریافت کی۔

صدر آصف علی زرداری نے، جو کہ برطانیہ کے نجی دورے پر ہیں، آصفہ کے ساتھ کچھ دیر تک ملالہ یوسفزئی کے پاس رہے۔ اس موقع پرملالہ یوسفزئی نے صدر زرداری، پاکستانی حکومت اور عوام کا بھی شکریہ ادا کیا۔ اس موقع پر صدر نے ملالہ یوسفزئی کو یقین دلایا کہ ان کا مشن پاکستان میں جاری رکھا جائے گا، ساری پاکستانی قوم ملالہ کی جرات اور بہادری پر فخر کرتی ہے۔ صدر کا کہنا تھا کہ ملالہ خون سے پیاسے دہشت گردوں کی دھمکیوں سے مرعوب نہیں ہوئی اور دہشت گردی کے خاتمے کے لیے قوم کا عزم بن کر ابھری۔