ہلیری کلنٹن کو معدے کا عارضہ مراکش کا دورہ موخر

وزیر خارجہ ہلیری کلنٹن معدے کی بیماری میں مبتلا ہو گئی ہیں. فوٹو : فائل

---

امریکی وزیر خارجہ ہلیری کلنٹن معدے کی بیماری میں مبتلا ہو گئیں۔

جس کی وجہ سے ان کا غیر ملکی دورہ ایک روز کے لیے موخر کردیا گیا۔ امریکی محکمہ خارجہ کی جانب سے جاری ایک بیان میں کہا گیا ہے کہ وزیر خارجہ ہلیری کلنٹن معدے کی بیماری میں مبتلا ہو گئی ہیں جس کی وجہ سے ان کا مراکش کا دورہ تاخیر کا شکارہو گیا ہے۔ ترجمان کے مطابق ہلیری کلنٹن کو پیر کو مراکش کے دورے پر روانہ ہونا تھا لیکن اب وہ آج ( منگل کو) مراکش جائیں گی جہاں وہ شام کی اپوزیشن سے مستقبل کے حوالے سے اہم ملاقاتیں کریں گی ۔