ترکی میں مزید 30 افسران سمیت 125 اہلکاروں کی گرفتاری کے احکامات جاری

ترکی میں حکومت مخالف گولن تحریک کے خلاف کارروائیوں کا سلسلہ بدستور جاری ہے۔ فوٹو: فائل

---

ترکی میں حکومت مخالف گولن تحریک کے خلاف کارروائیوں کا سلسلہ بدستور جاری ہے۔

گزشتہ روز 125 پولیس اہلکاروں کی گرفتاری کے احکامات جاری کیے گئے ہیں۔ ان میں 30 اعلیٰ افسران ہیں۔

ترک سربراہ مملکت رجب طیب اردوان جولائی میں ناکام فوجی بغاوت کی ذمے داری مسلم مبلغ فتح اللہ گولن پر عائد کرتے ہیں۔ وہ امریکا میں جلا وطنی کی زندگی گزار رہے ہیں۔ گولن ان تمام الزامات کو مسترد کرتے ہیں۔