ہدایتکار انوراگ کا مودی سے پاکستان کا دورہ کرنے پرمعافی مانگنے کا مطالبہ

مودی نے 25 دسمبر کو پاکستان کے دورے پروزیر اعظم نواز شریف سے ملاقات کی لیکن اب تک معافی نہیں مانگی، ہدایتکار کی ٹوئٹ، فوٹو:فائل

---

GILGIT: معروف ہدایت کار انوراگ کشیاپ نے پاکستانی فنکاروں اور کرن جوہر کی فلم ''اے دل ہے مشکل''کی نمائش پر پابندی لگانے پروزیر اعظم نریندر مودی کی خاموشی کو آڑے ہاتھوں لے لیا۔

گزشتہ دنوں بھارتی سنیمامالکان کی جانب سے نامور ہدایت کار کرن جوہر کی فلم ''اے دل ہے مشکل''کی 4 ریاستوں میں نمائش پر پابندی لگادی گئی ہے جسے فلم نگری نے شدید تنقید کا نشانہ بنایا ہے جب کہ ہدایتکار مہیش بھٹ سمیت متعدد اداکاروں نے فلم کی نمائش پر پابندی کو آڑے ہاتھوں لیا تھا اور حکومت سے مداخلت کی اپیل کی تھی لیکن اب نامور فلمساز انوراگ کشیاپ نے بھارتی وزیر اعظم سے معافی کا مطالبہ کرڈالا ہے۔

@narendramodi Sir you haven't yet said sorry for your trip to meet the Pakistani PM.. It was dec 25th. Same time KJo was shooting ADHM? Why?

— Anurag Kashyap (@anuragkashyap72) October 16, 2016

میڈیا رپورٹس کے مطابق ہدایتکار انوراگ کشیاپ نے پاکستانی فنکاروں اور فلم ''اے دل ہے مشکل'' کی نمائش پر پابندی کے فیصلے کوآڑے ہاتھوں لیتے ہوئے سماجی رابطے کی ویب سائٹ ٹوئٹر پرمودی حکومت کی دوغلی پالیسی پر خوب بھڑاس نکالی اور انہوں نے نریندر مودی سے پاکستان کا دورہ کرنے پر معافی مانگے کا مطالبہ بھی کرڈالا ہے جب کہ اپنی ٹوئٹ میں ان کا کہنا تھا کہ مودی نے 25 دسمبر کو پاکستان کے دورے پروزیر اعظم نواز شریف سے ملاقات کی لیکن اب تک معافی نہیں مانگی جب کہ اسی دوران کرن جوہر بھی فلم اے دل ہے مشکل کی شوٹنگ کررہے تھے۔

@narendramodi and you actually diverted your trip on our tax money,while the film shot then was on money on which someone here pays interest

— Anurag Kashyap (@anuragkashyap72) October 16, 2016

انوراگ کشیاپ نے بھارتی وزیراعظم کو آئینہ دکھانے کے لیے یہیں بس نہیں کی بلکہ ایک اور ٹوئٹ کی جس میں ان کا کہناتھا کہ ہم لوگ فلم بنانے پر ٹیکس دیتے ہیں اورہمارے ہی ٹیکسوں پر آپ کے غیر ملکی دورے ہوتے ہیں لہذا میں صورت حال کو سمجھنے کی کوشش کررہا ہوں کیوں کہ میں بیوقوف ہوں لیکن حالات کو سمجھنا چاہتاہوں۔

@narendramodi I am just trying to understand the situation because I am actually dumb and I don't get it. Sorry if you feel offended..

— Anurag Kashyap (@anuragkashyap72) October 16, 2016

دوسری جانب عالیہ بھٹ اور سدھارت ملہوترا نے بھی فلم ''اے دل ہے مشکل'' پر پابندی کی مخالفت کی جب کہ سدھارت کا کہنا تھا کہ فلم کسی سیاسی ایجنڈے پر نہیں بنائی گئی ہے بلکہ یہ ایک رومانوی فلم ہے جس کی نمائش پرپابندی لگانا کسی صورت فلم نگری کے لیے نیک شگون نہیں ہے۔

@narendramodi why is it that we have to face it while you can be silent??

— Anurag Kashyap (@anuragkashyap72) October 16, 2016

واضح رہے کہ گزشتہ دنوں بھارتی سنیمامالکان نے فلم ''اے دل ہے مشکل'' میں پاکستانی اداکار فواد خان کے باعث 4 ریاستوں گجرات، مہارشٹرا، گوا اور کرناٹکا میں نمائش پر پابندی لگادی تھی۔