برطانوی پارلیمان میں مبینہ زیادتی کا واقعہ ایک نوجوان گرفتار

نوجوان برطانوی پارلیمنٹ کے رکن کریگ میکنلے کا قریبی ساتھی ہے۔ فوٹو: فائل

---

KARACHI: برطانوی پارلیمنٹ کی حدود میں مبینہ زیادتی کے واقعے نے ہلچل مچادی ہے، لندن میٹرو پولیٹن پولیس نے تفتیش کا آغاز کر دیا ہے۔

کنزرویٹیو پارٹی کے ممبرپارلیمنٹ کے ایک ساتھی کو مبینہ زیادتی کے واقعے کے الزام میں حراست میں لے لیا گیا ہے۔ لندن میٹروپولیٹن پولیس نے 14 اکتوبر کو ہونے والے اس واقعے کی شکایت پر کارروائی کرتے ہوئے ایک 23 سالہ نوجوان کو پارلیمنٹ کی حدود سے حراست میں لیا۔

برطانوی میڈیا کے مطابق نوجوان برطانوی پارلیمنٹ کے رکن کریگ میکنلے کا قریبی ساتھی ہے۔ کنزرویٹیو پارٹی کے ترجمان کا کہنا تھا کہ تفتیش مکمل ہونے سے پہلے کچھ بھی کہنا قبل از وقت ہوگا۔ پارلیمنٹ کا عملہ پولیس کے ساتھ مکمل تعاون کر رہا ہے۔