نوشہرہ میں پی اے ایف انجینئرنگ کالج پرحملے پررابطہ کمیٹی کااظہارمذمت

رابطہ کمیٹی نے کہاکہ پی اے ایف انجینئرنگ کالج رسالپورپردہشت گردوں کادستی بم سے حملہ نہ صرف ملکی سلامتی پرحملہ ہے بلکہ کھلی دہشتگردی ہے فوٹو: فائل

---

متحدہ قومی موومنٹ کی رابطہ کمیٹی نے نوشہرہ رسالپورروڈ پرپی اے ایف انجینئرنگ کالج کے مین گیٹ پر دہشتگردوں کے دستی بم کے حملے کی سخت ترین الفاظ میںمذمت کی ہے اور اس کے نتیجے میں سیکیورٹی اہلکاروں سمیت متعدد افراد کے زخمی ہونے پرگہرے دکھ اورافسوس کااظہا رکیا ہے ۔

ایک بیان میں رابطہ کمیٹی نے کہاکہ پی اے ایف انجینئرنگ کالج رسالپورپردہشت گردوں کادستی بم سے حملہ نہ صرف ملکی سلامتی پرحملہ ہے بلکہ کھلی دہشتگردی ہے جس کی جتنی بھی مذمت کی جائے وہ کم ہے۔رابطہ کمیٹی نے صدرزرداری، وزیراعظم راجا پرویز اشرف اوروفاقی وزیر داخلہ رحمٰن ملک سے مطالبہ کیاکہ نوشہرہ رسالپور پی اے ایف انجینئرنگ کالج کے مین گیٹ پردہشت گردوںکے دستی بم حملے کاسنجیدگی سے نوٹس لیاجائے۔