لاہور میں ڈاکوؤں کی پولیس چوکی کے قریب ٹریفک سگنل پر کھڑی گاڑی میں لوٹ مار

قریب میں پولیس کی چوکی اور دیگر سیکیورٹی اہلکار موجود تھے لیکن کوئی بھی بچاؤ کے لیے نہیں پہنچا، فوٹو : فائل

---

PESHAWAR: فیصل ٹاؤن میں دن دیہاڑے ڈاکو ٹریفک سگنل پر کھڑی گاڑی میں لوٹ مار کرتے رہے اور فرار ہوگئے جب کہ قریب میں پولیس چوکی موجود ہونے کے باوجود بھی کوئی مدد کے لیے نہیں آیا۔

ایکسپریس نیوز کے مطابق لاہور کے علاقے فیصل ٹاؤن میں ٹریفک سگنل پر گاڑی آکر رکی تو موٹر سائیکل پر سوار تین ڈاکوؤں نے کار سوار کو لوٹ لیا، ٹریفک سگنل بند ہونے کے باعث ڈاکو لوٹ مار کرتے رہے اور کسی نے بھی مداخلت نہیں کی جب کہ قریب میں پولیس کی چوکی اور دیگر سیکیورٹی اہلکار موجود تھے لیکن کوئی بھی بچاؤ کے لیے نہیں پہنچا۔

میڈیا میں واقعے کی وڈیو نشر ہونے کے بعد وزیر اعلیٰ پنجاب شہباز شریف نے واقعے کا نوٹس لے لیا ہے جب کہ ڈی آئی جی آپريشن نے متعلقہ حکام سے رپورٹ طلب کرلی ہے۔