ایبٹ آباد میں وین کھائی میں گرنے سے 5 افراد جاں بحق

مقامی افراد نے اپنی مدد آپ کے تحت لاشوں اورزخمیوں کو ایوب میڈیکل منتقل کیا: فوٹو: فائل

---

PESHAWAR: مکول پائین کے قریب مسافر وین کھائی میں گرنے سے 5 افراد جاں اور 3 زخمی ہوگئے۔

ایکسپریس نیوز کے مطابق کالا باغ سے حویلیاں جاتے ہوئے مسافر وین ایبٹ آباد میں مکول پائین کے قریب موڑ کاٹتے ہوئے 2 ہزارفٹ گہری کھائی میں جاگری جس کے نتیجے میں 5 افراد موقع پر ہی جاں بحق اور 3 زخمی ہو گئے۔ مقامی افراد نے اپنی مدد آپ کے تحت لاشوں اور زخمیوں کو اسپتال منتقل کیا، اسپتال انتظامیہ کا کہنا ہے کہ مزید 2 زخمیوں کی حالت تشویشناک ہے۔