مشرق کی جانب ’’طاقت‘‘ کی منتقلی

جب کہ انوسٹمنٹ ایشیا میں ہے تو پھر پراٖفٹ بھی یہیں سے حاصل کیے جانے کے امکانات کو نظر انداز نہیں کیا جاسکتا ہے۔ شاید اسی لیے برکس بینک سمیت بین الاقوامی سیاست میں روس اور ہندوستان کا کردار دن بدن متحرک اور طاقتور بنتا دکھائی دیا جانے لگا ہے۔ جن کا مرکز و محور عرب ریاستوں سمیت مسلم ریاستیں اور چائنا ہے۔ جو کہ سرمائے پر اجارہ داری رکھنے والوں کی رال ٹپکانے کے لیے معدنی و جغرافیائی وسائل سے مالامال ہیں۔ اس سیاق و سباق میں ہم کہہ سکتے ہیں کہ ٹرمپ ایک نئے ارتقائی مرحلے کا اعلان ہے کہ جس میں مشرق ایک بار پھر طاقت کا مرکز بننے جارہا ہے۔ کیونکہ مغربی اجارہ داری میں جن مشرقی انسانوں کا سرمایہ اور عقل کام کرتی رہی ہے وہ اپنے داخلی مسائل پر ضابطہ لانے کے لیے ایک بار پھر اپنی روایتی جلد بازی و بھونڈے پن پر مبنی حکمت عملی کا مظاہرہ کرنے کو بے قرار دکھائے دیے جانے لگے ہیں۔